Futzal. Milliy jamoamiz o'yinoldi rasmiy mashg'ulotini o'tkzdi
Osiyo kubogi-2026 saralash musobaqasi “F” guruhi bahslarida ishtirok etayotgan O‘zbekiston milliy terma jamoasi a’zolari bugun 2-tur oldidan rasmiy mashg‘ulotini o‘tkazdi. Mashg‘ulot saralash uchrashuvlari o‘tkazilayotgan Qirg‘iziston futbol uyushmasiga qarashli Futbol akademiyasi sport majmuasida tashkillashtirildi.
Murabbiylar shtabi futzalchilarimiz bilan bugungi mashg‘ulotda bo‘lg‘usi raqibning o‘yin uslubidan kelib chiqqan holda kerakli taktik kombinatsiyalar ustida ishlashdi. Shu o'rinda 1-turda yo‘l qo‘yilgan xato va kamchiliklarni bartaraf etish chora tadbirlari ko‘rildi.
Eslatib o‘tamiz, Nodir Eliboyev shogirdlari 2-tur uchrashuvni ertaga – 22-sentabr sanasida, Toshkent vaqti bilan soat 15:00 da Sharqiy Timor terma jamoasiga qarshi o‘tkazishadi.
