FIDE reytingi yangilandi. Abdusattorov o'z o'rnida, Sindarovda pasayish

Boshqa sport turlari 01 apr 2025 da 07:39

Nasrullo Karimov

Журналист

Jahon shaxmat federatsiyasi (FIDE) mart oyi yakunlariga ko'ra yangilangan reytingni e'lon qildi. Yangilangan reytingning top-100 taligidan 5 nafar o'zbekistonlik grossmeyster o'rin oldi.

Jumladan, birinchi raqamli shaxmatchimiz Nodirbek Abdusattorov ochkolari va reytingdagi o'rni o'zgarishsiz qoldi (6-o'rin, 2773 ochko).

Javohir Sindarov esa bir pog'ona pastlab, 30-o'rindan joy oldi. Sindarovning reyting ochkolari ham bir ballga pastlab, hozirda 2706 tani tashkil qilmoqda.

Top-100 talikdan, shuningdek, Rustam Qosimjonov (46-o'rin, 2678 ochko), Nodirbek Yakubboyev (61-o'rin, 2665 ochko) va Shamsiddin Vohidov (81-o'rin, 2648 ochko) o'rin olgan.