FIDE 2025-yilgi rapid va blits jahon chempionati ishtirokchilari ro‘yxatini e’lon qildi
Musobaqa 25–30-dekabr kunlari Qatarning Doha shahrida, Qatar University sport majmuasida bo‘lib o‘tadi. Umumiy sovrin jamg‘armasi — 1 million yevrodan ortiq.
Bu yil jang maydonida deyarli barcha super yulduzlar to‘planadi: amaldagi jahon chempioni Gukesh D, sobiq jahon chempioni Magnus Karlsen, shuningdek Ian Nepomniachtchi, Fabiano Karuana, Anish Giri, Uesli So, Levon Aronyan kabi dunyoning eng kuchli grossmeysterlari qatnashadi. Yangi avlod vakillari — Nodirbek Abdusattorov, Vinsent Keymer, Arjun Erigaisi, Praggnanandhaa, Yagiz Kaan Erdogmus, Ediz Gurel ham chempionlik uchun kurash olib borishadi.
Ayollar bo‘limida esa jahon chempioni Ju Venjun bilan birga Zhu Jiner, Lei Tingjie, Aleksandra Goryachkina, Humpy Koneru ham ishtirok etishadi.
O'zbekiston tarkibi
Open bo‘limi – 8 nafar:
Nodirbek Abdusattorov
Javohir Sindarov
Nodirbek Yakubbayev
Shamsiddin Vohidov
Jahongir Vahidov
Muhiddin Madaminov
Muhammadzohid Suyarov
Humoyun Begmuratov
Ayollar bo‘limi – 6 nafar:
Afruza Hamdamova
Umida Omonova
Gulruhbegim Tohirjonova
Nilufar Yakubbayeva
Madinabonu Xalilova
Guldona Karimova
