Фаррух Зокиров Малдив оролларини SAFF чемпионига айлантирди
Осиё футбол конфедерацияси (ОФК) тавсиясига биноан мамлакатимизнинг тажрибали мутахассисларидан бири, Фарғонанинг “Нефтчи” футзал жамоаси бош мураббийи Фаррух Зокиров вақтинчалик Малдив оролларига сафарбар этилганди.
Фаррух Зокиров икки ой давомида Малдив ороллари миллий терма жамоасига бош мураббий бўлиб хизмат қилди. Унинг бошқаруви остида Малдив терма жамоаси Жанубий Осиё Футбол Федерацияси (SAFF) кубогида иштирок этиб, барча рақиблари устидан ғалаба қозонди ва минтақа чемпиони деган шарафли номга сазовор бўлди.
Маълумот учун, SAFF чемпионати Жанубий Осиё Футбол Федерацияси томонидан ташкил этилган бўлиб, ушбу минтақа миллий терма жамоалари ўртасидаги биринчи футзал мусобақаси ҳисобланади. Турнир жорий йилнинг январ ойида Таиландда бўлиб ўтди ва унда 7 та жамоа иштирок этди. Қатнашчиларнинг 4 тасида эронлик, 1 тасида ўзбекистонлик ва 2 тасида маҳаллий мутахассислар фаолият олиб боришди ва якунда ҳамюртимиз Фарруз Зокиров жамоаси зафар қучди.
