Ertaga Osiyo kubogi saralash bosqichiga qur'a tashlanadi

Boshqa sport turlari 25 iyn 2025 da 10:10

Roziqjon Sultonmurodov

Jurnalist

Ertaga, 26 iyun kuni futzal bo‘yicha Osiyo Kubogi-2026 musobaqasi saralash bosqichiga qur'a tashlash marosimi bo‘lib o‘tadi.

O‘zbekiston futzal federatsiyasi matbuot xizmati xabariga ko‘ra, marosim OFKning Kuala-Lumpur shahridagi shtab-kvartirasida bo‘lib o‘tadi va Toshkent vaqti bilan soat 12:00da start oladi. Unda O‘zbekiston futzal federatsiyasi vakillari ham ishtirok etadilar.

O‘zbekiston terma jamoasi Eron, Tailand, Yaponiya, Vetnam, Afg‘oniston, Quvayt va Iroq terma jamoalari bilan 1-savatchadan o‘rin olgan.

Eslatib o‘tamiz, turnir joriy yilning 16 - 24-sentabr kunlari o‘tkazilishi rejalashtirilgan. Saralash bosqichida 30 ta jamoa ishtirok etadi.