Erkin kurash bo‘yicha O‘zbekiston terma jamoasi musobaqani medalsiz yakunladi
30 mart kuni Ammanda (Iordaniya) kurash bo‘yicha kattalar o‘rtasidagi Osiyo chempionati yakunlandi. Musobaqaning so‘nggi ikki kunida erkaklar o‘rtasida erkin kurash bo‘yicha bellashuvlar o‘tkazildi.
Muso Saydulbatalov ishtirokidagi musobaqada O‘zbekiston terma jamoasi birorta ham medal qo‘lga kirita olmadi. UWW UZB rasmiy xabariga ko‘ra, bu erkin kurash bo‘yicha O‘zbekiston terma jamoasining Osiyo chempionati tarixidagi eng yomon natijasidir. Turnir doirasida o‘zbekistonlik erkin kurashchilar Sherzod Poyanov, Fazliddin Nasritdinov va Umidjon Jalolov bronza medali uchun kurash olib bordi va imkoniyatni boy berdi.
Ma’lumot uchun, Osiyo chempionatida o‘zbekistonlik yunon-rum kurashchilari 3 ta oltin, 1 ta kumush va 2 ta bronza, o‘zbekistonlik ayol kurashchi esa 1 ta bronza medalini qo‘lga kiritdi.
