Erkin kurash. Bekzod Abdurahmonov RAF 10 turniridagi debyut kurashini o‘tkazdi

Bugun tong saharda AQSHning St. Louis shahrida erkin kurash bo‘yicha RAF 10 turniri bo‘lib o‘tdi.

Biz uchun eng e’tiborli jihat — Olimpiada sovrindori Bekzod Abdurahmonov dunyoning yetakchi erkin kurash va aralash yakkakurash ustalari ishtirok etayotgan RAF ligasidagi debyut bahsini o‘tkazdi.

Afsuski, hamyurtimiz bellashuv davomida ko‘rsatkich barmog‘idan jarohat oldi. Shunga qaramay, u mardlarcha kurash olib bordi. Har biri 2 daqiqadan iborat 3 raund davom etgan bahsda Bekzod amerikalik Keegan O’Toolega 10:6 hisobida mag‘lub bo‘ldi.

Bekzodga tezroq sog‘ayib, keyingi bellashuvlarda muvaffaqiyatlar tilaymiz!

Ibrohim Jalolov

Redaktor

0 0 0 0 0 0