Erkin kurash. Andijonda sport seleksiyasi oyligi doirasida musobaqalar o‘tkazilmoqda
Andijon shahar 4-son politexnikumi sport zalida sport seleksiyasi oyligi doirasida yosh sportchilarni aniqlash va seleksiya qilish maqsadida kichik o‘smirlar o‘rtasida sport kurashlarining erkin kurash turi bo‘yicha Andijon viloyati prokurori kubogi musobaqasi bo‘lib o‘tdi.
Musobaqaning tantanali ochilish marosimida Andijon viloyati prokurori M. Abduhakimov, Andijon viloyati hokimi o‘rinbosari K. Komilov hamda Andijon viloyati sport boshqarmasi boshlig‘i O‘. Toshpo‘latov ishtirok etib, yosh sportchilarga omad tiladilar.
Musobaqa davomida yosh polvonlar turli vazn toifalarida bellashib, o‘z mahoratlarini namoyish etdilar hamda iqtidorli sportchilar saralab olindi.
Musobaqa yakunida g‘olib va sovrindor sportchilar diplom, medal hamda esdalik sovg‘alari bilan taqdirlandilar.
