Endy Vudvard: Bunday yuqori saviyadagi superturnirda birinchi marta o‘ynashim
Tepe Sigeman 2026 turnirining eng yosh ishtirokchilaridan biri, amerikalik grossmeyster Endy Vudvard turnirni g‘alaba bilan boshladi.
Garchi g‘alaba qozongan bo‘lsa-da, u o‘z o‘yiniga tanqidiy baho berdi:
"Ochig'ini aytsam, omadim keldi. Raqibim qo‘pol xatoga yo‘l qo‘ydi, aks holda vaziyat juda og‘ir bo‘lar edi. Fil va piyodalar endshpiliga o‘tilganda, menda ortiqcha piyoda borligi tufayli pozitsiyam yaxshi ekanini tushundim."
Endy uchun ushbu turnir nafaqat kuchli tarkibi, balki shaxmat afsonasi bilan bir davrada ekani bilan ham ahamiyatli:
“Ishtirokchilar tarkibi shunchaki aqlbovar qilmas. Faoliyatimda hali bunday yuqori o‘rtacha reytingga ega va Magnus kabi buyuk o‘yinchilar qatnashadigan superturnirda o‘ynamaganman. Bu men uchun ulkan imkoniyat va undan maksimal darajada foydalanishga harakat qilaman.”
