Eddi Hirn: Ennis super yarim o‘rta vaznga o‘tishi mumkin
Britaniyalik mashhur promouter Eddi Hirn IBF va WBA kamarlariga ega Jeyron Ennisning (34-0, 30 KO) faoliyatidagi keyingi qadamlar haqida fikr bildirdi.
— Meningcha, hozirgi eng muhim savol — Ennis yarim o‘rta vaznda qoladimi? Uning Staniyonisga qarshi jangi juda kuchli o‘tdi. Har tomonlama yaxshi jang bo‘ldi, lekin tibbiy jihatdan unga og‘ir bo‘ldi. Meningcha, u super yarim o‘rta vaznda o‘zini ancha qulay his qiladi, — dedi Hirn.
Uning so‘zlariga ko‘ra, Ennis avvaliga ushbu vaznda kamarlarni birlashtirishni maqsad qilgan, ammo bu vazifa bajarildi. Endilikda uning qaysi yo‘nalishda harakatlanishi muhim qarorga aylangan.
— Enniskа Teofimo Lopesga qarshi jang g‘oyasi juda yoqadi. Biroq bu faqat yarim o‘rta vaznda amalga oshishi mumkin. Agar u vazn almashtirsa, Lopes bilan jang ham bekor bo‘ladi. Shuning uchun tez orada yakuniy qaror qabul qilishimiz kerak, — deya qo‘shimcha qildi Hirn.
Eslatib o‘tamiz, Jeyron Ennisning navbatdagi raqibi — ushbu vazn toifasidagi WBAning majburiy da’vogari, o‘zbekistonlik Shahram G‘iyosov bo‘lishi kutilmoqda.
