Dzyudo. Yoshlar o‘rtasidagi O‘zbekiston Kubogi yakuniga yetdi
Uch kun davomida Termiz shahar Yakkakurash sport turlariga ixtisoslashtirilgan sport maktabi zalida yoshlar o‘rtasidagi mamlakat kubogiga mezbonlik qildi.
Unda Qoraqalpog‘iston Respublikasi, barcha viloyatlar va Toshkent shahridan kelgan jami 541 nafar dzyudochi belgilangan vazn toifalarida g‘oliblik yo‘lida bahs olib borishdi. Musobaqaning so‘nggi kuni og‘ir vaznlarda g‘olib va sovrindorlar aniqlandi.
Yakunda Toshkent shahri jamoasi 4 ta oltin, 7 ta kumush, 5 ta bronza medali bilan umumjamoa hisobida birinchi o‘rinni egalladi. Samarqand viloyati dzyudochilari 3 ta oltin va 1 ta bronza medali bilan ikkinchi o‘rinni band etgan bo‘lsa, kuchli uchlikka Surxondaryo viloyat jamoasi yakun yasadi. Mezbonlar 2 ta oltin, 1 ta kumush va 3 ta bronza medaliga ega chiqishdi.
