Dzyudo. Referilarimiz uchun amaliy seminar o‘tkazildi
Joriy qilingan yangi qoidalar yana bir bor amaliy tarzda ko‘rib chiqildi.
Boshqa sport turlari
Sports24.uz'ni Google'ga qo'shish
Фото: O'zbekiston Dzyudo Federatsiyasi
Uch kun davomida poytaxtimizda o‘tkazilgan OTP Group Tashkent Grand Slam 2026 turnirida ishlagan hakamlarimiz amaliy seminarda ishtirok etishdi.
O‘zbekiston dzyudo federatsiyasi tomonidan tashkil seminar-mashg‘ulotiga xalqaro toifadagi referilarimiz Ramziddin Saidov va Vyacheslav Pereteyko boshchilik qildi. Unda Xalqaro dzyudo federatsiyasi tomonidan joriy qilingan yangi qoidalar yana bir bor amaliy tarzda ko‘rib chiqildi.
Ma’lumot uchun, hakamlarimiz Toshkent "Katta Dubulg‘a" turnirida kimono nazorati, dzyudochilarning bellashuvlarga chiqib kelish jarayonida ishlashdi, shuningdek, uchta tatamidagi monitorlar uchun mas’ul bo‘lishdi.
Roziqjon Sultonmurodov
Jurnalist