Dzyudo. Osiyo o‘yinlari oldidan dzyudochilarimiz uchun antidoping seminari tashkil etildi
O‘zbekiston Milliy antidoping agentligi tomonidan Osiyo o‘yinlariga tayyorgarlik ko‘rayotgan milliy terma jamoalar o‘rtasida profilaktik antidoping seminarlari davom etmoqda.
Navbatdagi seminar Aichi-Nagoya mezbonligida o‘tadigan Yozgi Osiyo o‘yinlariga tayyorgarlik olib borayotgan dzyudo bo‘yicha terma jamoamiz sportchilari ishtirokida tashkil etildi.
Unda har bir sportchining shaxsiy mas’uliyati va antidoping qoidalariga qat’iy rioya qilishga urg‘u berildi. Shuningdek, xalqaro musobaqalardagi antidoping talablari, doping-nazorati jarayonlari hamda taqiqlangan moddalar bilan bog‘liq xavflarning oldini olish yuzasidan tushuntirish ishlari olib borildi.
Bunday taʼlimiy tadbirlar milliy terma jamoani yirik xalqaro musobaqalarga tayyorlashning muhim qismi hisoblanib, sportchilar o‘rtasida yuqori antidoping madaniyatini shakllantirishga qaratilgan.
