Dzyudo. Krasnoyarskdagi turnirning ilk kuni ikkita medal qo‘lga kiritdik

Rossiya Federatsiyasining Krasnoyarsk o‘lkasida yoshlar o‘rtasida Vladimir Gulidov xotirasiga bag‘ishlangan xalqaro musobaqa bo‘lib o‘tmoqda.

An’anaviy tarzda tashkil etib kelinayotgan turnirda Kamol Murodov murabbiyligidagi yoshlarimiz ham medallar uchug bahs olib borishyapti. Musobaqaning birinchi kuni dzyudochilarimizdan Muhriddin Ma’rufov (-73 kg) va Nigina Saparboyeva (-70 kg) bronza medaliga sazovor bo‘ldi.

Bugun 7 ta vaznda g‘olib va sovrindorlar aniqlanadi: yoshlar — -81, -90, -100, +100 kg, qizlar — -48, -52 va 57 kg.

Bugungi bellashuvlarda terma jamoamiz a’zolaridan Zarina Jamalova (-48 kg), Sabrina Azamatova (-52 kg) va Fazliddin Rafikov (+100 kg)ga muxlislik qilamiz.

Ibrohim Jalolov

Redaktor