Dzyudo. Harbiylar o‘rtasidagi Jahon chempionati qahramonlari tantanali kutib olindi
Polsha poytaxti Varshava shahrida o‘tkazilgan Harbiylar o‘rtasidagi jahon chempionatida munosib tarzda ishtirok etgan dzyudochilarimiz Vatanga qaytishdi.
Biroz avval Islom Karimov nomidagi Toshkent xalqaro aeroportida muzaffar harbiy sportchilarimiz tantanali ravishda kutib olindi. Tadbirda O‘zbekiston Respublikasi Mudofaa vazirligi hamda mamlakat dzyudo federatsiyasi mutasaddilari, sportchilarning oila a’zolari hamda ommaviy axborot vositalari xodimlari hozir bo‘lishdi.
Ma’lumot uchun, O‘zbekiston terma jamoasi Fransiya, Polsha, Litva, Latviya singari davlatlarning harbiy sportchilarini ortda qoldirib, ham yakkalik, ham aralash jamoaviy bahslarda birinchi o‘rinni egalladi. Dzyudochilarimiz yakkalik bellashuvlarida 7 ta oltin, 5 ta kumush va 2 ta bronza medaliga ega chiqishdi.
Oltin medallar
-60 kg: Kamoliddin Baxtiyorov
-73 kg: Inoyat Telmanov
-78 kg: Barchinoy Qodirova
+78 kg: Irisxon Qurbonboyeva
-81 kg: Zulfiddin Usmonov
-90 kg: Azizbek Avazmurodov
+100 kg: Islombek Ravshanqulov
Kumush medallar
-48 kg: Halimajon Qurbonova
-52 kg: So‘g‘diyona Rafkatova
-70 kg: Shirinjon Yuldasheva
-73 kg: Shavkat Saitkulov
-100 kg: Muhammadali Tangriyev
Bronza medallar
-57 kg: Mohinur Allamberganova
-63 kg: Farangiz Rejepova
