Dzyudo. Hakamlar uchun seminar tashkil etildi
Ertaga start oladigan Cadet and Junior Asian Cup Tashkent 2026 musobaqasi oldidan hakamlar uchun seminar o‘tkazildi.
Amaliy mashg‘ulotlar asosida tashkil etilgan ushbu seminarda Osiyo Kubogida referilik qiladigan yurtimiz va xorijdan taklif etilgan hakamlar qatnashdi. Seminar hakamlik sifatini oshirish, tatamida o‘zaro hamkorlikni takomillashtirish va yangilangan qoidalarni bir xilda qo‘llashga qaratildi.
Osiyo dzyudo ittifoqi (JUA) Bosh Referi direktori Osako Akinobu hamda JUA Referi direktori Asxat Jitkeyev boshchilik qilgan seminarda hakamlikdagi yangiliklar haqida ma’lumot berildi, shuningdek, yaqinda Tailandda o‘tgan Osiyo chempionatidagi ayrim bahsli vaziyatlar video materiallar asosida tahlil qilindi.
Hakamlar alohida texnik harakatlarni muhokama qildilar va xalqaro hakamlikning zamonaviy talablariga alohida e’tibor qaratdilar.
