Dzyudo. Davlat Bobonov — O‘zbekiston terma jamoasi sardori!
Davlat Bobonov — O‘zbekiston terma jamoasi sardori!
Terma jamoa bosh murabbiyi Lasha Gujejianining tanlovi tasodifiy emas.
Olimpiada sovrindori, jahon va Osiyo chempioni, o‘z avlodining eng kuchli dzyudochilaridan biri. U yillar davomida jahon dzyudosi yetakchilari qatorida bo‘lib kelmoqda. Uning nomi allaqachon O‘zbekiston tarixidagi eng buyuk 20 nafar sportchi ro‘yxatiga kiritilgan.
Endi esa Bobonov — milliy terma jamoa sardori!
Katta musobaqa tajribasi, kuchli xarakter va terma jamoadagi obro‘-e’tibor — bu rolda ayniqsa muhim bo‘lgan fazilatlardir. Yosh dzyudochilar uchun bunday yetakchi yonida bo‘lish — katta g‘alabaning qadrini biladigan va eng qiyin bellashuvlardan o‘ta oladigan insondan tajriba o‘rganish imkoniyatidir.
Sardor tanlandi. Jamoa tayyor. Navbat - kurashga!
