Dzyudo. Buxoro sporti mutasaddilari O‘zbekiston chempionatiga tayyorgarlik bilan tanishishdi

24-26 noyabr kunlari Buxoro shahridagi “Universal” sport majmuasida kattalar o‘rtasida O‘zbekiston chempionati bo‘lib o‘tadi.

Musobaqaga tayyorgarlik doirasida sport majmuasida tashkiliy qo‘mita yig‘ilishi o‘tkazildi. Unda Buxoro viloyati prokurori o‘rinbosari Jamshid Ahmedov, viloyat sport boshqarmasi boshlig‘i O‘tkir Nadjimidinov, O‘zbekiston dzyudo federatsiyasi raisi o‘rinbosari Shuhrat Ochilov hamda tegishli mas’ullar ishtirok etdi.

Yig‘ilish davomida O‘zbekiston chempionatini yuqori saviyada o‘tkazish, mehmonlar va ishtirokchilarning xavfsizligi, tashkiliy jarayonlarning uzluksizligini ta’minlash bo‘yicha vazifalar belgilandi.

Ibrohim Jalolov

Redaktor