Dzyudo boʻyicha Oʻzbekiston oʻsmirlar terma jamoasi Osiyo chempionatida birinchi boʻldi

Amman shahrida (Iordaniya) dzyudo bo‘yicha o‘smirlar o‘rtasidagi Osiyo chempionati yakuniga yetdi. Ikkinchi kungi bahslarda yurtdoshlarimiz 5 ta oltin, 2 ta kumush va 1 ta bronza medallariga sazovor boʻlishdi.

Oltin medal:
-73 kg: Behruzbek Usmonov
-90 kg: Joʻrabek Eshpoʻlatov
+90 kg: Alibek Durdiyev
-57 kg: Zuhra Alimova
-63 kg: Parizoda Yoʻldosheva

Kumush medal:
-81 kg: Samandar Sunnatov
-63 kg: Dinora Samandarova

Bronza medal:
-70 kg: Poshshojon Jumaboyeva

Shu tariqa, musobaqada 11 ta oltin, 4 ta kumush va 5 ta bronza medallarini jamgʻargan dzyudochilarimiz umumjamoa hisobida birinchi oʻrinni qoʻlga kiritishdi. Bugundan yoshlar toifasidagi bahslar start oladi.

Roziqjon Sultonmurodov

Jurnalist