Dzyudo. Almaty Juniors Asian Cup 2026. Yoshlarimiz 18 ta medal bilan 12 davlat orasida birinchi bo‘lishdi
To‘rt kun davomida Qozog‘iston davlati mezbonlik qilgan Almaty Cadets and Juniors Asian Cup 2026 musobaqasi o‘z yakuniga yetdi.
Quvonarlisi, yoshlarimiz ham kadetlarimiz singari dunyoning 12 davlati dzyudochilari qatnashgan turnirda medallar jamg‘arish bo‘yicha umumjamoa hisobida birinchi o‘rinni egallashdi. O‘zbekiston yoshlar terma jamoasi ikki kunlik bellashuvlarda 7 ta oltin, 6 ta kumush, 5 ta bronza, jami 18 ta medal qo‘lga kiritishdi.
Qozog‘iston ikkinchi o‘rinni egallagan bo‘lsa, kuchli uchlikdan Xitoy Taypeyi terma jamoasi joy oldi.
Almaty Juniors Asian Cup 2026 g‘olib va sovrindorlarimiz:
Oltin medallar
-52 kg: Nigina Umirzoqova
-57 kg: Rayhona Mamatova
-60 kg: Dilshod Karimov
-66 kg: Asadbek Misirov
-70 kg: Sevinch Rasulova
-90 kg: Behruzbek Rustamboyev
-100 kg: Muhammadali Sa’dullayev
Kumush medallar
-63 kg: Asal Karimjonova
-60 kg: Ramziddin Norboboyev
-66 kg: Abdurahmon Sa’dullayev
-78 kg: Shoira Aminova
-81 kg: Kamronbek Qodirov
-100 kg: Azamat Ablakulov
Bronza medallar
-52 kg: Saodat Qoraboyeva
-63 kg: Adina Abilqosimova
-70 kg: Gulruxsor Xudarganova
-70 kg: Durdona Tursunova
+100 kg: Iskandar Mamayusupov
