Doston Bozorov Temirov — Almabayev jangini tahlil qildi
O‘zbekistonlik MMA jangchisi Doston Bozorov UFC doirasida o‘tadigan Markaziy Osiyo derbisi — Ramazon Temirov va Asu Almabayev o‘rtasidagi to‘qnashuv haqida o‘z fikrlarini bildirdi.
— Bu jang juda og‘ir va murosasiz kechadi. Ikkisi ham o‘z yurtidagi eng zo‘r sportchilardan. O‘zbekistonda Ramazon Temirov eng tanilgan jangchi bo‘lsa, Qozog‘istonda Asu Almabayev katta nomga ega. Hozir Temirov yaxshi formadek. Eshitishimcha, u Tailandda tayyorgarlik ko‘ryapti. Menimcha, bu jangda Ramazon biroz ustunroq. Agar imkoniyatlarni foizda baholasak, 60/40 Temirov foydasiga. U hozir pik holatida, formasining eng yuqori cho‘qqisida, deyish mumkin, — dedi Bozorov.
Eslatib o‘tamiz, Temirov va Almabayev o‘rtasidagi jang 26 iyul kuni BAAning Abu-Dabi shahrida bo‘lib o‘tadi.
