Doston Bozorov: Chempionlik kamarimni o‘zbek sportchilariga qoldiraman

Boshqa sport turlari 11 iyn 2025 da 04:09

Bakradze Iman

Redaktor

Octagon League’ning engil vazn chempioni, o‘zbekistonlik aralash yakkakurash ustasi Doston Bozorov kelgusi rejalari haqida Olamsport muxbiri Sarvinoz Rahmonqulova bilan intervyu o‘tkazdi.

“Chempionlik kamarimni 100% vakant qoldiraman. Ungacha faqat o‘zbek sportchilari da’vogar bo‘lishini istayman. Bizda bu vazn toifasida juda kuchli yigitlar bor. Shu bois, duolaringizdan umidvorman. Kamar o‘zimizning yigitlarda qolishini juda xohlar edim.

Bu kamarni bir yildan ortiq vaqt davomida sharaf bilan himoya qildim. Agar Octagon League’da qolganimda, yana anchagina vaqt menda bo‘lishi mumkin edi. Ammo endi, Xudo xohlasa, yangi maqsadlar sari yo‘l olyapman. Yangi cho‘qqilarni zabt etish niyatim bor. Shuning uchun, kamarni vakant qoldirishga qaror qildim. Ishonamanki, o‘zbek sportchilari uni munosib tarzda qo‘lga kiritadi”, — dedi Bozorov.