Dilorom Turdiqulova 2024/2025 mavsumining eng yaxshi Osiyo shpaga hakami deb topildi
Dilorom Turdiqulova 2024/2025 mavsumining eng yaxshi Osiyo shpaga hakami deb topildi.
Osiyo qilichbozlik konfederatsiyasi (AFC) bugun Hindistonning Nyu-Dehli shahrida 2024/2025 mavsumining eng yaxshi hakamlarini taqdirlash marosimini o'tkazdi.
O'zbekistonlik xalqaro hakam Dilorom Turdiqulovaga "2024/2025 mavsumining eng yaxshi Osiyo shpaga hakami" faxriy unvoni berildi va Osiyo EFning eng yaxshi hakami deb topildi.
Mukofot Dilorom Turdiqulovaga Nyu-Dehlida bo'lib o'tgan marosimda OFK Tibbiy komissiyasi raisi doktor Hazem Abed tomonidan topshirildi.
Ushbu yuksak e'tirof ko'p yillik professionallik, xolis hakamlik va xalqaro miqyosda qilichbozlik rivojiga qo'shgan ulkan hissasi natijasidir.
O'zbekiston qilichbozlik federatsiyasi Dilorom Turdiqulovani ushbu nufuzli yutug'i bilan chin dildan tabriklaydi va unga xalqaro maydonda muvaffaqiyatlar, yangi professional cho'qqilar va ajoyib yutuqlarni tilaydi!
Tabriklaymiz!