Demetrius Jonson Topuriya va Getji oʻrtasidagi jangga prognoz berdi
Yengil vazn toifasida UFC va One Championship sobiq chempioni, amerikalik Demetrius Jonson 70 kg gacha boʻlgan vazn toifasida UFCʼning magʻlubiyatsiz 29 yoshli chempioni Ilia Topuriya hamda yengil vaznda UFC vaqtinchalik kamari sohibi, amerikalik Jastin Getji oʻrtasidagi jangga oʻz prognozini maʼlum qildi.
«Agar tanlashga toʻgʻri kelsa, men Ilia Topuriyaning nokaut evaziga gʻalaba qozonishiga tikkan boʻlardim, chunki bu yigit buni uddalashni biladi. Topuriya Jastinni nokaut qilish uchun uni muvozanatdan chiqarishga harakat qiladi”, — deya Jonsonning soʻzlaridan keltirmoqda talkSPORT nashri.
Eslatib oʻtamiz, ushbu jang Vashingtonda (AQSH) boʻlib oʻtadigan «UFC White House — Freedom 250» turnirining markaziy voqeasi boʻladi. Jang kechasi 15 iyun kuni oʻtkazilishi rejalashtirilgan.