Delegatsiya a’zolari Olimpiya shaharchasi bilan tanishdi
Osiyo Olimpiya kengashining 46-Bosh assambleyasida ishtirok etish uchun mamlakatimizga tashrif buyurgan delegatsiya a’zolari Olimpiya shaharchasi majmuasi bilan tanishdi.
Xususan, Osiyo qit’asi mamlakatlaridan kelgan delegatsiyalar a’zolari hamda Bruney mamlakati Olimpiya qo’mitasi Prezidenti, Osiyo Olimpiya kengashi a’zosi, shahzoda Sufri Bolkiya boshchiligidagi delegatsiya a'zolari Olimpiya shaharchasi majmuasi bilan tanishish maqsadida ushbu manzilga tashrif buyurdi.
Tashrif davomida xorijiy mehmonlarga shaharchadagi "Velodrom", "Markaziy o'yingoh", "Suv sport", "Jamoaviy sport turlari" va "Yakkakurash sport turlari" binolari va ularda yaratilgan sharoitlar bo’yicha ma’lumotlar berildi.
Prezident Shavkat Mirziyoyev tashabbusi bilan bunyod etilgan ushbu noyob majmua mamlakat sport rivojida muhim ahamiyat kasb etishi mehmonlar tomonidan e’tirof etildi.
