Chempionlarimiz sog‘lig‘ida cheklanishlar mavjud bolalar uchun tashkil etilgan sport bayramida ishtirok etishdi
Toshkent shahridagi Respublika bolalarni ijtimoiy moslashtirish markazida sog‘lig‘ida cheklanishlar mavjud bo‘lgan bolalar uchun sport bayrami bo‘lib o‘tdi.
Rossiya fan va madaniyat markazi, Respublika bolalarni ijtimoiy moslashtirish markazi hamda "Oila birga" xayriya jamg‘armasi hamkorligida o‘tkazilgan mazkur tadbirda para yengil atletika bo‘yicha Paralimpiya o‘yinlari g‘olib va sovrindorlari Xusniddin Norbekov va Shahina Yigitaliyeva, shuningdek, para suzish bo‘yicha Jahon chempionati g‘olib-sovrindori Yegor Bolotov ishtirok etdi.
Sportchilarimiz tadbirda so‘z olib, jarohat va cheklanishlar to‘siq bo‘lmasligi kerakligini, inson o‘ziga ishonish orqali barcha jabhalarda, jumladan, sportda ham g‘alaba qozonishi mumkinligini ta’kidlab o‘tishdi. Tadbir yakunida chempionlarimiz jajji bolajonlar bilan adaptiv xokkey, voleybol kabi sport o‘yinlarida qatnashishdi.
