CAVA WOMEN’S VOLLEYBALL CHAMPIONSHIP 2025 yakuniga yetdi
Toshkent shahrida Markaziy Osiyo Voleybol Assotsiatsiyasi (CAVA) tomonidan o‘tkazilgan CAVA WOMEN’S VOLLEYBALL CHAMPIONSHIP 2025 musobaqasining yopilish marosimi bo‘lib o‘tdi.
Tadbir davomida barcha ishtirokchi jamoalar, murabbiylar va hakamlar sahnaga taklif etilib, faol ishtirok etgan jamoalar, eng yaxshi o‘yinchilar hamda hakamlar maxsus sertifikat va sovrinlar bilan taqdirlandilar.
Marosimda Ichki ishlar vaziri o‘rinbosari - Bekmurod Abdullaev, O‘zbekiston davlat jismoniy tarbiya va sport akademiyasi rektori - Ilhomjon Tursunaliyev, Sport vazirligi bo‘lim boshlig‘i Sherzod Olimov, Markaziy Osiyo Voleybol Assotsiatsiyasi (CAVA) vakili, VIS delegatsiyasi a’zosi - Morteza Afjeh va faxriy mehmonlar ishtirok etishdi.
Musobaqa yakunlariga ko‘ra:
Eron — chempionat g‘olibi bo‘ldi va oltin medalni qo‘lga kiritdi.
O‘zbekiston — kumush medal bilan taqdirlandi.
Qirg‘iziston — bronza medal sohibiga aylandi.
