Cadet European Cup 2026 turnirida qatnashgan o‘smirlarimizning ishtiroki tahliliy-tanqidiy ruhda muhokama qilindi
O‘zbekiston dzyudo federatsiyasi raisi Azizjon Kamilov Turkiyaning Antaliya shahrida o‘tkazilgan kadetlar o‘rtasidagi Millennium Team Cadet European Cup 2026 turnirida ishtirok etgan terma jamoamiz dzyudochilari va ularning murabbiylari bilan suhbatlashdi.
ZOOM platformasida onlayn tarzda o‘tgan muloqotda kadetlarimizning Yevropa Kubogidagi ishtiroki ko‘rib chiqildi. Azizjon Kamilov terma jamoadagi intizom, har bir bellashuvga bo‘lgan munosabatni tanqid ostiga oldi. Bu yo‘nalishda dzyudochilar bilan mashg‘ulotlarda jiddiy ish olib borish kerakligi murabbiylarga uqtirildi. Kelgusi musobaqalarda bu kabi kamchiliklarga yo‘l qo‘yib bo‘lmasligi aytildi.
Ma’lumot uchun, O‘zbekiston o‘smirlar terma jamoasi Antaliya turnirida 3 ta oltin, 4 ta kumush, 5 ta bronza, jami 12 ta medal qo‘lga kiritgandi.
