Buxoroda “Yangi O‘zbekiston Olimpiya cho‘qqilari” bahslari qizg‘in pallada
Buxoro viloyatida “Yangi O‘zbekiston Olimpiya cho‘qqilari” sport musobaqasining saralash bosqichlari davom etmoqda. Qogon tumanida joylashgan sport kurashlariga ixtisoslashtirilgan zalda musobaqaning sport kurashlari bo‘yicha mintaqaviy bosqichi bo‘lib o‘tdi. Unda Qogon shahri, Qogon tumani hamda Qorovulbozor tumanidan tashrif buyurgan yosh sportchilar o‘zaro kuch sinashdilar.
Tadbirda Buxoro viloyati prokurori, O‘zbekiston sport kurashlari assotsiatsiyasi Buxoro viloyati bo‘limi rahbari Ulug‘bek Hamdamov, viloyat sport boshqarmasi boshlig‘i U. Najimiddinov, Qogon tumani hokimi Otabek Qozoqov hamda boshqa mutasaddi tashkilotlar vakillari ishtirok etdilar.
Musobaqa yakunlari bo‘yicha g‘olib va sovrindor sportchilar medal, diplom hamda esdalik sovg‘alari bilan taqdirlandilar.
