Buxoro “Uzbekistan Judo Tour” musobaqasiga mezbonlik qiladi

Boshqa sport turlari 07 apr 2025 da 19:03

Ibrohim Jalolov

Redaktor

Oʻzbekiston Respublikasi Prezidentining “Dzyudo sport turini yanada rivojlantirish chora-tadbirlari toʻgʻrisida” 2022-yil 20-iyundagi qarori ijrosini taʼminlash maqsadida “Uzbekistan Judo Tour” turkum musobaqalari start olmoqda.

Ilk musobaqaga 12-aprel kuni Buxoro viloyati mezbonlik qiladi. 2026-yilning yoziga qadar Qoraqalpogʻiston Respublikasi, barcha viloyatlar hamda Toshkent shahrida “Uzbekistan Judo Tour” oʻtkaziladi.

Erkaklar oʻrtasida tashkil etilayotgan ushbu musobaqada -81, -90, -100, +100 kg vazn toifalarida gʻolib va sovrindorlar aniqlanadi. Shohsupaga koʻtariladigan dzyudochilarni medal va diplomdan tashqari, pul mukofoti ham kutmoqda.