Butunjahon yengil atletika federatsiyasi Prezidenti O‘zbekistonga keldi
Bugun Butunjahon para yengil atletika federatsiyasi prezidentu Pol Fitsjerald hamda tashkilot Bosh menejeri Martin Chorli amaliy tashrif bilan Toshkentga keldi. Martabali mehmonlarni O‘zbekiston Milliy Paralimpiya qo‘mitasi kutib oldi.
Mazkur tashrifdan ko‘zlangan asosiy maqsad — para yengil atletika bo’yicha 2027-yilgi Jahon chempionatini O‘zbekistonda o‘tkazish imkoniyatlarini muhokama qilishdan iborat. Shu maqsadda delegatsiya a’zolari dastlab poytaxtimizda barpo etilayotgan Olimpiya shaharchasida bo’lib, majmuada para atletlar uchun yaratiladigan sharoitlar bilan yaqindan tanishishdi.
Shuningdek, mehmonlar dunyo birinchiligi paytida para sportchilarni o‘zida qabul qiluvchi mehmonxona hamda restoranlarda faoliyatini ham ko’zdan kechirishdi va Olimpiya shaharchasi hududida qurilayotgan "Paralimpiya markazi" loyihasi bilan ham tanishtirildi.
Ma’lumot uchun, 2027-yilgi Jahon chempionati Los-Anjeles-2028 Paralimpiya o‘yinlariga to’g’ridan-to’g’ri yo‘llanma beruvchi musobaqa hisoblanadi.
