Boysun tumanida qo‘l jangi bo‘yicha viloyat kubogi musobaqasi bo‘lib o‘tdi

Boshqa sport turlari 08 iyn 2025 da 13:40

Ibrohim Jalolov

Redaktor

Surxondaryo viloyati sport boshqarmasi hamda O‘zbekiston Qo‘l jangi federatsiyasi viloyat bo‘limi hamkorligida sportning qo‘l jangi turi bo‘yicha yoshlar va kichik o‘smirlar o‘rtasida viloyat kubogi musobaqasi tashkil etildi.

Musobaqa Boysun tumani Sport maktabida bo‘lib o‘tdi. Unda viloyatning barcha tumanlaridan 200 nafarga yaqin yosh sportchilar ishtirok etishdi. Yoshlar o‘z mahoratlarini namoyish etib, kuchli raqobat muhitida sinovdan o‘tish imkoniyatiga ega bo‘lishdi.

Tadbirda Boysun tumani hokimi Bahodir Shukurov hamda tuman rahbarlari ishtirok etib, yoshlarning sportga bo‘lgan qiziqishi, ular uchun yaratilayotgan imkoniyatlar va bu orqali O‘zbekiston bayrog‘ini xalqaro arenalarda baland ko‘tarish zarurligini alohida ta’kidlab o‘tishdi.