«Bosh prokuror kubogi» musobaqasining Jizzax viloyat bosqichi bo‘lib o‘tdi
“Besh tashabbus olimpiadasi” doirasida sportning kurash turi bo‘yicha “Bosh prokuror kubogi” musobaqasining Jizzax viloyat bosqichi yuqori saviyada tashkil etildi.
Musobaqada viloyatning barcha shahar va tumanlaridan saralab olingan polvonlar ishtirok etib, erkakalar 5 ta vazn toifasida, ayollar 4 ta vazn toifalarida g‘oliblik uchun murosasiz bellashdilar.
Bahslar davomida ishtirokchilar o‘zlarining jismoniy va texnik tayyorgarligi, matonati hamda g‘alabaga bo‘lgan intilishlarini namoyish etdilar.
Musobaqa yakunlariga ko‘ra, o‘z vazn toifalarida g‘olib va sovrindor bo‘lgan sportchilar diplom, medal hamda esdalik sovg‘alari bilan taqdirlandilar.
Shuningdek, viloyat bosqichida muvaffaqiyat qozongan polvonlar musobaqaning keyingi respublika bosqichida ishtirok etish huquqini qo‘lga kiritdilar.
