Bolgariyalik strimer Magnus Karlsenni mag‘lub etganidan so'ng kiyimlarini yirtib tashladi (video)
Bolgariyalik shaxmatchi va strimer Volen Dyulgerov, internetda “Witty Alien” nomi bilan tanilgan, Chess Club Showdown turnirida Magnus Karlsen ustidan sensatsion g‘alabaga erishdi. Bahs 5 daqiqalik blits formatida o‘tkazildi va Dyulgerov qora donalarda o‘ynadi.
Partiya davomida Karlsen katta ustunlikka ega bo‘lgan, biroq 20-yurishda jiddiy xatoga yo‘l qo‘ygan. Dyulgerov bundan foydalanib, ketma-ket shoh berish orqali vaziyatni o‘z foydasiga o‘zgartirdi va norvegiyalik grossmeysterni taslim bo‘lishga majbur qildi.
G‘alabadan keyin 27 yoshli bolgariyalik strimerning reaksiyasi ijtimoiy tarmoqlarda tez tarqaldi. Dyulgerov quvonchdan qichqirib, o‘zini tuta olmay qolgan va efir vaqtida kiyimlarini yechib yuborgan. Uning noodatiy bayram qilishi qisqa vaqt ichida shaxmat muxlislari orasida viral bo‘ldi.
Ma’lumot uchun, Dyulgerov FIDE’da Candidate Master unvoniga ega bo‘lib, 2026-yil sentabr holatiga ko‘ra uning klassik reytingi 2181 ochkoni tashkil etgan. Chess.com’da esa uning blits reytingi 2612 atrofida bo‘lgan, Karlsenning ko‘rsatkichi esa 3396 edi. Chess Club Showdown’ning ilk turnirida jami 4400 nafar ishtirokchi qatnashgan.
