Bogdan Guskov chempionlik yo‘lida Jamal Hillga ko‘z tikdi
Yarimog‘ir vazn toifasi reytingining 10-pog‘onasiga ko‘tarilgan aralash yakkakurash ustasi Bogdan Guskov navbatdagi raqibi haqida fikr bildirdi. Uning so‘zlariga ko‘ra, eng maqbul variant – sobiq UFC chempioni va reytingda 6-o‘rinda turgan Jamal Hill.
– Bizda uch nomzod bor: Volkan Ozdemir, Yan Blaxovich va Jamal Hill. Ular orasida eng ideali – Hill. U sobiq chempion va reytingi mendan yuqori. Blaxovich yanada balandda, ammo Top-5`da va unga qarshi jang ehtimoli kamroq. Hill esa chempionlik yo‘lida katta qadam bo‘ladi. Avvali Top-10, keyin Top-5 raqib bilan jang va keyingi maqsad – chempionlik! – dedi Guskov.
Ma’lumot uchun, Guskov UFCdagi so‘nggi to‘rt jangining barchasini muddatidan avval g‘alaba bilan yakunlagan. Jamal Hill esa iyun oyida uchinchi marta mag‘lubiyatga uchrab, Khalil Rountreega imkoniyatni boy bergan.
