Bekzod Kurbanov XX Osiyo o‘yinlarida kuchli o‘ntalikdan joy oldi
Bekzod Kurbanov XX Osiyo o‘yinlarida kuchli o‘ntalikdan joy oldi
XX Osiyo o‘yinlarida ot sporti bo‘yicha musobaqalar o‘z yakuniga yetdi. 4-oktabr kuni ot sportining to‘siqlardan sakrash (konkur) yo‘nalishi bo‘yicha individual bahslarning final bosqichi katta maydonda, balandligi 155 sm gacha bo‘lgan to‘siqlar orqali o‘tkazildi.
Ushbu bahslarda O‘zbekiston sharafini tajribali chavandoz Bekzod Kurbanov Matts VG laqabli oti bilan himoya qildi. Keskin kechgan kurashlar yakuniga ko‘ra, sportchimiz 9-o‘rinni egallab, mazkur yo‘nalishda Osiyoning eng kuchli o‘nta chavandozi qatoridan joy oldi.
Ushbu natija XX Osiyo o‘yinlarida O‘zbekiston uchun muhim yutuqlardan biri bo‘ldi.
Final bosqichi yakunlariga ko‘ra, sovrindorlar quyidagicha:
1-o‘rin — ALDUHAMI Ramzy Hamad A — Untouchable 32
2-o‘rin — ALRAJHI Abdulrahman Bader M — Lorenzo ES
3-o‘rin — MOHAMMED Basem — Chaccball
Shu tariqa, Bekzod Kurbanov 9-o‘rinni egallab, Osiyoning eng kuchli chavandozlari qatoridan joy oldi hamda XX Osiyo o‘yinlarida individual bahslarda O‘zbekiston sharafini munosib himoya qildi.
