Balandlikka sakrash. Amir Nagayev  U-23 Osiyo chempioni

Xitoyning Ordos shahrida bo‘lib o‘tgan U-23 Osiyo chempionatida Amir Nagayev balandlikka sakrash bahslarida 2,16 metr natija qayd etib, oltin medalni qo‘lga kiritdi.

Bu natija O‘zbekiston yengil atletikasi tarixidagi muhim yutuqlardan biri bo‘ldi. Amir Nagayev barcha yosh toifalari hisobga olinganda, erkaklar o‘rtasida Osiyo chempionatida g‘olib chiqqan ikkinchi o‘zbekistonlik sportchiga aylandi.

E’tiborlisi, Amir Nagayev va 2023-yilda U18 Osiyo chempioni bo‘lgan Devdavs Ismoilovni Toshkent shahar yengil atletikaga ixtisoslashtirilgan sport maktabi murabbiyi Yelena Olegovna Drozdova tayyorlagan.

Amir Nagayev, uning murabbiyi hamda O‘zbekiston terma jamoasini ushbu tarixiy g‘alaba bilan tabriklaymiz!

Ibrohim Jalolov

Redaktor