Azizjon Kamilov Xalqaro dzyudo federatsiyasida ikki muhim lavozimni egalladi

Boshqa sport turlari 12 iyn 2025 da 01:24

Bakradze Iman

Redaktor

11 iyun kuni Vengriya poytaxti Budapesht shahrida Xalqaro dzyudo federatsiyasi (IJF)ning navbatdagi Kongressi bo‘lib o‘tdi. O‘zbekiston sport jamoatchiligi uchun muhim yangilik — mamlakatimiz dzyudo federatsiyasi raisi Azizjon Kamilov mazkur Kongressda IJF’ning oliy boshqaruv organi — Ijroiya qo‘mitasi a’zosi, shuningdek, IJF Ta’lim direktori (Education Director) lavozimiga saylandi.

Ayni paytda Osiyo dzyudo ittifoqi vitse-prezidenti sifatida ham faoliyat yuritib kelayotgan Kamilov endi xalqaro miqyosda dzyudo sohasida ta’lim islohotlari — murabbiylar, hakamlar va ma’muriy mutaxassislar tayyorlash, kadrlar salohiyatini oshirish borasidagi muhim yo‘nalishlarga mas’ul bo‘ladi.

Shuningdek, u Xalqaro dzyudo federatsiyasi prezidenti Marius Vizer bilan hamkorlikda dzyudoni olimpiya sport turlari qatoridagi mavqeini yanada mustahkamlash uchun harakat qiladi.