Azizjon Kamilov strategik rivojlanish va marketing bo‘yicha Osiyo dzyudo ittifoqi vitse-prezidenti etib tayinlandi
Azizjon Kamilov Osiyo dzyudo ittifoqi (JUA)ning strategik rivojlanish va marketing bo‘yicha vitse-prezidenti lavozimiga tasdiqlandi.
U bungacha marketing bo‘yicha vitse-prezident lavozimida faoliyat yuritib kelayotgan edi.
Yangi vazifasida Kamilov JUA faoliyatining asosiy yo‘nalishlari — tadbirlarni tashkil etish, ommaviy axborot vositalari bilan ishlash hamda tijoriy hamkorlikni strategik rivojlantirish masalalarini nazorat qiladi. Bu Osiyo dzyudo ittifoqining mavqeini mustahkamlash va yanada tanilishiga xizmat qiladi.
Bu vazifalarni amalga oshirish uchun quyidagi ixtisoslashtirilgan uchta departament tashkil etiladi:
1. Tadbirlarni tashkil etish departamenti
a. JUA tadbirlarini rasmiy shaxslar va jamoalar bilan hamkorlikda yuqori saviyada o‘tkazilishini ta’minlash.
b. Barcha tashkiliy masalalarni media va homiylar talablariga muvofiq kelishtirish.
c. Tadbirlarni tashkil etishning barcha bosqichlarida JUA tashkilotchilariga yordam ko‘rsatish.
2. TV, media va marketing departamenti
a. Televideniye, raqamli va ijtimoiy media sohasida JUA strategiyasini shakllantirish.
b. Kontent ishlab chiqarish va storitellingni rivojlantirishni nazorat qilish.
c. Sportchilar va tadbirlarni barcha platformalarda targ‘ib qilish.
3. Homiylik va hamkorlik departamenti
— Homiylik strategiyasi va takliflarini ishlab chiqish
— Mahalliy, mintaqaviy va xalqaro darajada hamkorlarni jalb qilish
— JUA dasturlari uchun barqaror moliyalashtirishni ta’minlash
Tuzilmadagi o‘zgarishlar doirasida Azizjon Kamilov departament rahbarlarini tayinlash va qo‘yilgan maqsadlarga samarali erishish uchun jamoani shakllantirish vakolatiga ega bo‘ladi.
