Azizjon Kamilov jahon chempionatida ishtirok etadigan qizlarimiz bilan uchrashdi
O‘zbekiston ayollar terma jamoasining poytaxt viloyatining Dukent shaharchasida o‘tkazgan o‘quv-mashg‘ulot yig‘ini yakuniga yetdi.
Bugun O‘zbekiston dzyudo federatsiyasi raisi Azizjon Kamilov Toshkentga qaytgan dzyudochi qizlarimiz bilan uchrashdi. Budapesht shahri mezbonlik qiladigan kattalar o‘rtasidagi jahon chempionatida 11 nafar qizlarimiz (ikki nafari aralash jamoaviy bahslarda) yurtimiz sharafini himoya qiladi.
Azizjon Kamilov dzyudochilarimiz bilan suhbatda jahon chempionati har bir sportchiga o‘zini ko‘rsatish uchun muhim musobaqa ekani, qo‘lga kiritilajak ijobiy natija dzyudochining kelgusi faoliyatidan tubdan o‘zgartirib yuborishini alohida ta’kidladi.
O‘z o‘rnida dzyudochi qizlarimiz ham mashg‘ulotlarda astoydil mehnat qilayotganlari, jahon chempionatida yaxshi natija uchun bor kuch va imkoniyatlarini ishga solishlarini aytishdi.