Astana Gran-prisi. Uljon Amriyeva hisobida oltin! Terma jamoamiz musobaqani beshta medal bilan yakunladi
Qozog‘istonning Astana shahri mezbonlik qilgan para dzyudo bo‘yicha "2026 IBSA Grand Prix Astana" xalqaro turniri o‘z nihoyasiga yetdi. Turnirda dunyoning 24 ta mamlakatidan kelgan 140 nafar atletlar o‘zaro bahs olib borishdi.
Gran-prining ikkinchi kungi bellashuvlarida vakillarimiz 1 ta oltin va 2 ta bronza medallariga ega chiqdi. Uljon Amriyeva o‘z vazn toifasidagi barcha raqiblaridan ustun kelgan bo‘lsa, Feruza Ergasheva hamda Mohinur Parmonova hisobimizga bronza medallarini taqdim etdi.
Ayollar (J1 klassi, 60 kg):
1.Uljon Amriyeva (O‘zbekiston)
2.Karolin Duarte (Braziliya)
3.Larissa Silva (Braziliya)
3.Merve Uslu Xejebipur (Turkiya).
Ayollar (J1 klassi, +70 kg):
1.Erika Zoaga (Braziliya)
2.Milena de Freytas (Braziliya)
3.Feruza Ergasheva (O‘zbekiston)
3.Aktolkin Seilbekova (Qozog‘iston).
Ayollar (J2 klassi, +70 kg):
1.Rebeka Silva (Braziliya)
2.Zarina Raifova (Qozog‘iston)
3.Mohinur Parmonova (O‘zbekiston)
3.Meg Emmerich (Braziliya).
Shu tariqa, vakillarimiz "Astana Gran-prisi"ni 2 ta oltin, 1 ta kumush va 2 ta bronza, jami 5 ta medal bilan umumjamoa hisobida to‘rtinchi o‘rinda yakunlashdi.
