Aslamjon Ortiqov Bangkokda raqibini nokaut qildi

Boshqa sport turlari 28 iyn 2025 da 06:16

Bakradze Iman

Redaktor

Tailand poytaxti Bangkok shahrida ONE Friday Fights 114 turniri doirasida muay-tay jangi bo‘lib o‘tdi. Unda o‘ta engil vazn toifasida raqobat olib borayotgan o‘zbekistonlik Aslamjon Ortiqov navbatdagi jangini o‘tkazdi.

U mezbon mamlakat vakili Petsukumvit Boy Bangnaga qarshi ringga chiqdi va uchinchi raundda uni ta’sirli zarba bilan nokautga uchratdi. Shu tariqa, Ortiqov professional faoliyatidagi 8-jangida ham g‘alaba qozondi. Uning to‘rtta g‘alabasi muddatidan oldin yakunlangan.

Tailandlik Bangna uchun esa bu to‘qnashuv beshinchi mag‘lubiyat bo‘ldi. Uning hisobida to‘rtta g‘alaba bor.