Asia Auto Gymkhana Championship 2026 1-bosqichi yakunlari: O‘zbekiston 3-o‘rinda
Qozog‘iston Respublikasidagi STK “Sokol” avtosport majmuasida Asia Auto Gymkhana Championship 2026 musobaqasining 1-bosqichi yakunlandi. Unda mintaqaning yetakchi sportchilari ishtirok etdi.
Musobaqa yakunlariga ko‘ra, O‘zbekiston terma jamoasi quyidagi natijalarni qayd etdi:
Mix Double — 6-o‘rin
Male Solo:
Alim Ahmadjanov — 4-o‘rin
Dilshod Yusupov — 6-o‘rin
Female Solo:
Samina Ahmadjanova — 6-o‘rin
Sabina Yusupova — 8-o‘rin
Double Female — 3-o‘rin
Male Double — 2-o‘rin
Umumiy hisobda 30 ochko jamg‘argan O‘zbekiston terma jamoasi 3-o‘rinni egalladi. Birinchi va ikkinchi o‘rinlarni mos ravishda Qirg‘iziston (62 ochko) hamda Qozog‘iston (32 ochko) terma jamoalari qo‘lga kiritdi.
Shuningdek, O‘zbekiston jamoasi Gonkong (Xitoy), Hindiston, Malayziya va Xitoy Taypeyi jamoalaridan ustun keldi.
Ma’lumot uchun, chempionatning 2-bosqichi joriy yil sentyabr oyida Toshkent shahrida o‘tkazilishi rejalashtirilgan.
