Andijonda voleybol musobaqasi o‘tkazildi
O‘zbekistonda kasaba uyushmalari harakatining 120 yilligi va “11-noyabr — O‘zbekiston kasaba uyushmalari kuni” munosabati bilan Andijon olimpiya va paralimpiya sport turlariga tayyorlash markazida sportning voleybol turi bo‘yicha erkaklar o‘rtasida musobaqa bo‘lib o‘tdi.
Tadbir Madaniyat, sport va turizm xodimlari kasaba uyushmasi Andijon viloyati birlashgan qo‘mitasi hamda Andijon viloyati Sport boshqarmasi hamkorligida tashkil etildi. Musobaqa sport ta’lim muassasalari xodimlari o‘rtasida sport orqali jamoaviy birdamlikni mustahkamlash, kasaba uyushmalari faoliyatini keng targ‘ib qilish va xodimlarning bo‘sh vaqtini mazmunli o‘tkazishni ta’minlashga qaratildi.
Musobaqa natijalariga ko‘ra bahslarga boy o‘yinlar yakunida g‘oliblar quyidagicha aniqlandi:
1-o‘rin — Bo‘ston tumani
2-o‘rin — Izboskan tumani
3-o‘rin — Buloqboshi tumani
Yakunida g‘olib va sovrindor jamoalar tashkilotchilar tomonidan diplom hamda esdalik sovg‘alari bilan taqdirlandi.
