Andijonda shaxmat bo‘yicha viloyat chempionati yakunlandi
Andijon shahri Universal sport majmuasida shaxmat bo‘yicha 6, 8, 10, 12, 14, 16 va 18 yosh toifalaridagi o‘g‘il bolalar hamda qizlar o‘rtasida o‘tkazilgan Andijon viloyati chempionati bugun o‘z yakuniga yetdi.
Bir necha kun davom etgan mazkur musobaqada yosh shaxmatchilar yuqori tayyorgarlik, kuchli iroda va mahorat namoyish etib, g‘oliblik uchun murosasiz va qiziqarli bahslar olib bordilar. Chempionat viloyatning turli hududlaridan tashrif buyurgan iqtidorli yosh shaxmatchilarni bir maydonga jamladi.
Musobaqa yakunida har bir yosh toifasi bo‘yicha g‘olib va sovrindor o‘rinlarni egallagan ishtirokchilar diplom, medal hamda esdalik sovg‘alari bilan tantanali ravishda taqdirlandilar. Shuningdek, chempionat davomida o‘zining faolligi, chiroyli o‘yinlari va sport madaniyati bilan ajralib turgan bir qator ishtirokchilar maxsus nominatsiyalar asosida rag‘batlantirildi.
