Andijonda belbog‘li kurash bo‘yicha O‘zbekiston kubogi musobaqalariga start berildi
Qo‘rg‘ontepa tumani sport maktabida o‘smirlar va qizlar o‘rtasida belbog‘li kurash bo‘yicha O‘zbekiston kubogi bahslari bo‘lib o‘tmoqda.
Bugun start olgan mazkur nufuzli musobaqada mamlakatimizning barcha hududlaridan 400 nafarga yaqin iqtidorli sportchilar g‘oliblik uchun kuch sinashmoqda.
Reglamentga ko‘ra, dastlab musobaqaning tantanali ochilish marosimi tashkil etildi. Marosimda O‘zbekiston belbog‘li kurash federatsiyasi raisi Ravshan Dastirov, Qo‘rg‘ontepa tumani hokimi Alisher Halilov hamda Andijon viloyat Sport boshqarmasi boshlig‘i O‘tkirbek Toshpo‘latov, Respublika belbog‘li kurash federatsiyasi bosh kotibi Abduxalil Malikovlar ishtirok etishib sportchilarga omad tilashdi va musobaqaning dastlabki g‘olib va sovrindorlarini taqdirlashdi.
