Andijon viloyatida yoshlar kuni munosabati bilan sport musobaqalari o’tkazilmoqda
Yoshlar kuni munosabati bilan Andijon viloyatining Izboskan tumani To‘rtko‘l MFY hududida joylashgan kasb-hunar texnikumida viloyat sport boshqarmasi xodimlari boshchiligida navbatdagi sport tadbirlari tashkil etildi.
Tadbir doirasida sportning bir qator turlari bo‘yicha musobaqalar o‘tkazildi. Jumladan, tennis, armrestling hamda qizlar va o‘g‘il bolalar o‘rtasida yengil atletikaning 30 va 100 metrga yugurish yo‘nalishlari bo‘yicha bellashuvlar tashkil etildi.
Mazkur sport tadbirlari yoshlar o‘rtasida sog‘lom turmush tarzini keng targ‘ib etish, ularning sportga bo‘lgan qiziqishini oshirish, shuningdek, iqtidorli yoshlarni aniqlash va qo‘llab-quvvatlashga xizmat qilmoqda.
Tadbir yakunida faol ishtirok etgan yoshlar viloyat sport boshqarmasi tomonidan munosib rag‘batlantirildi.
