Ahliddin Mirzadavlatovning navbatdagi raqibi va jang sanasi maʼlum bo‘ldi

Boshqa sport turlari 02 may 2025 da 02:51

Bakradze Iman

Engil vazn toifasida harakat qiladigan o‘zbekistonlik MMA jangchisi Ahliddin Mirzadavlatovning navbatdagi jangi haqida batafsil maʼlumot eʼlon qilindi.

34 yoshli sportchi 11 may kuni Toshkentdagi “Humo Arena” sport majmuasida bo‘lib o‘tadigan Octagon 72 turnirida qatnashadi. Uning raqibi — Braziliya vakili Luchano Palʼyano bo‘ladi. Turnirning markaziy jangida esa liga chempioni Doston Bozorov (O‘zbekiston) va Fazliddin Madrahimov (Tojikiston) o‘zaro to‘qnash keladi.

Maʼlumot uchun: Mirzadavlatov MMAda 14 jang o‘tkazgan — 11 g‘alaba, 2 mag‘lubiyat va 1 durang. 38 yoshli Palʼyano hisobida esa 18 g‘alaba va 4 mag‘lubiyat mavjud.