Afrikada Kurash hakamlari uchun maxsus seminar boshlandi
JARning Johannesburg shahrida 7-10 avgust kunlari 22-Afrika Kurash chempionati bo’lib o’tmoqda.
Kecha chempionat doirasida hakamlar uchun maxsus texnik seminar o‘z ishini boshladi.
Seminarga Xalqaro Kurash Assotsiatsiyasi (IKA) Texnik direktori Ravi Kapoor hamda Afrika Kurash Ittifoqi hakamlar direktori Teddy Rita rahbarlik qilmoqda.
Seminarda Afrika qit’asining chempionatda ishtirok etayotgan barcha delegatsiyalari vakillari qatnashmoqda. Mashg‘ulotlar davomida xalqaro Kurash qoidalari, hakamlik amaliyoti, musobaqalarni yagona standartlar asosida o‘tkazish hamda bahslarni xolis va sifatli boshqarish masalalariga alohida e’tibor qaratilmoqda.
Seminar ishida Afrika Kurash Ittifoqi Prezidenti Thomas Dunkerni ham faol ishtirok etib, qit’ada Kurash hakamligi va mutaxassislar salohiyatini yanada oshirishga qaratilgan tashabbuslarni qo‘llab-quvvatlamoqda.
Mazkur seminar nafaqat musobaqa hakamlarini tayyorlash, balki Afrika mamlakatlarida Kurashning yagona xalqaro hakamlik standartlarini mustahkamlash yo‘lidagi muhim qadam bo‘lmoqda.
Chempionat Dasturiga asosan
8-avgust kuni kattalar va o’smirlar o’rtasida qit’a chempionligi uchun bahslar bo’lib o’tadi.
9 avgust kuni esa Yoshlar va faxriylarlar kuch sinashadi.
