AFC futzal murabbiylarini tayyorlash bo‘yicha seminar o‘tkazdi
Osiyo futbol konfederatsiyasi (AFC) futzal sohasidagi murabbiylar salohiyatini yanada mustahkamlash maqsadida Kuala-Lumpur shahrida besh kunlik o‘quv seminar tashkil etdi. Seminarida O‘zbekistondan OFK yo‘riqchisi, “Neftchi” jamoasi bosh murabbiyi Farrux Zokirov ham ishtirok etdi.
Tadbir davomida qatnashchilar nazariy va amaliy mashg‘ulotlar orqali o‘z malakalarini oshirishdi. Shuningdek, ular “o‘yin o‘tish bosqichlari”, “individual texnika” va “ma’lumot yig‘ish” mavzularida taqdimotlar tayyorlab, o‘zaro tajriba almashishdi.
Seminar yakunida nomzodlar “O‘yin qoidalari” va “Tutor kompetensiyalari” bo‘yicha imtihon topshirishdi. Natijalar ularning o‘z mintaqalarida AFC Futsal Level 1 kurslarini yuqori saviyada o‘tkazishga tayyor ekanini ko‘rsatdi
